വാഹനങ്ങളിൽ അടുത്ത കാലത്ത് വർധിച്ചുവരുന്ന തീപിടിത്തത്തെക്കുറിച്ചു ഓട്ടോമൊബൈല് ജേണലിസ്റ്റ് ബൈജു എന്. നായര് പറയുന്നത് ഇങ്ങനെ...
നമ്മളൊരു വണ്ടി വാങ്ങി കഴിഞ്ഞാല് എന്ജിന് ഇടയ്ക്കൊക്കെ സര്വീസ് ചെയ്ത് വൃത്തിയായി കൊണ്ടുനടക്കും. പക്ഷേ, അതിന്റെ ഇലക്ട്രിക്കല് വയറുകളും കേബിളുകളും പഴക്കം വന്നുവോയെന്നു പലരും ശ്രദ്ധിക്കാറില്ല. അവയ്ക്കു പഴക്കം ചെന്നാൽ അതു ഷോര്ട്ട് സര്ക്യൂട്ടിനു കാരണമാകും. അതു പൊതുവേ ശ്രദ്ധിക്കാറില്ല.
വണ്ടികള് കൃത്യമായ ഇടവേളകളില് സര്വീസ് ചെയ്യണം. കൃത്യമായ മെയിന്റനന്സ് ചെയ്യാതെ വരുമ്പോഴാണ് സിന്ജി, എല്പിജി വാഹനങ്ങളില് ലീക്കേജ് ഒക്കെ വന്നു തീപിടിച്ചു കത്തി നശിക്കാന് ഇടയാകുന്നത്.
ഇലക്ട്രിക് വണ്ടികളുടെ ബാറ്ററി ഓവര്ഹീറ്റ് ആകുമ്പോള് അതിനു തീപിടിക്കും. വണ്ടികളുടെ സോഫ്റ്റ്വെയറും അപ്ഡേറ്റ് ചെയ്യേണ്ടതുണ്ട്. മോഡിഫിക്കേഷന് നടത്തുമ്പോള് വണ്ടിയുടെ ചില കാര്യങ്ങള് മാറ്റാനും ഊരിയിടാനും ഒക്കെ സാധ്യതയുണ്ട്. വണ്ടിയുടെ ഗ്യാസിന്റെ കാര്യങ്ങളൊക്കെ ഫിറ്റ് ചെയ്യുന്ന ആള്ക്കാരാവില്ല മോഡിഫിക്കേഷന് ചെയ്യുന്നത്.
ഡല്ഹിയിലും ബോംബെയിലുമൊക്കെ പഴയ വണ്ടികള്ക്കു നിരോധനം വന്നപ്പോള് മലയാളികളാണ് ഏറ്റവും കൂടുതല് ആ വണ്ടികള് വാങ്ങി കൊണ്ടുവന്നത്. പഴയ ഇന്നോവ ഒക്കെ ചെറിയ വിലയ്ക്കു കിട്ടും. അങ്ങനെയുള്ള വണ്ടികളില് വയറിംഗിന്റെ പ്രശ്നങ്ങളൊക്കെ കൂടുതലായിരിക്കും. പെട്രോള് വണ്ടികളാണ് പെട്ടെന്നു തീപിടിക്കുന്നത്.
ഷോര്ട്ട് സര്ക്യൂട്ട് അല്ലാതെന്ത്?
ഷോര്ട്ട് സര്ക്യൂട്ട് കാരണമാണ് വണ്ടികള് കത്തുന്നത്. മെയിന്റനന്സ് ഇല്ലാത്തതുകൊണ്ട് ഇങ്ങനെ സംഭവിക്കാം. ശരിയായ രീതിയില് അല്ലാതെയുള്ള വയറിംഗും ഇതിനു കാരണമാകും. വണ്ടിയില് എന്തു മോഡിഫിക്കേഷന് വരുത്തിയാലും ആക്സസറീസ് ആഡ് ചെയ്താലും അതില് ഫ്യൂസ് ഇടണം. എന്തെങ്കില് ഷോര്ട്ട് സംഭവിച്ചാല് ആദ്യംതന്നെ ഫ്യൂസ് കത്തിപ്പോകും.
വണ്ടിയുടെ എന്ജിനും കാര്യങ്ങളും ചെക്ക് ചെയ്യുന്നതിനൊപ്പം വയറിംഗും ശ്രദ്ധിക്കണം. വണ്ടി മെക്കാനിക്കിനെ കാണിക്കുന്നതു പോലെതന്നെ ഇലട്രിക് ഷോപ്പിലും കൊണ്ടുപോയി വയറിംഗ് ഒക്കെ ചെക്ക് ചെയ്യണം
- ടെക് ക്യാച്ചര് (യൂ ട്യൂബര്)
ശരിയായ സര്വീസ് ഇല്ലെങ്കില് എന്ജിന് ഓവര് ഹീറ്റ് ആയി വണ്ടിക്കു തീപിടിക്കാന് സാധ്യതയുണ്ട്. മോഡിഫിക്കേഷന് ചെയ്യാന് വേണ്ടി വയര് കട്ടിംഗ് ഒക്കെ ചെയ്ത്, അധികം ക്വാളിറ്റി ഇല്ലാത്ത വയറുകള് ഒക്കെ കൂട്ടിച്ചേര്ത്താല്, ഓവര്ഹീറ്റ് ആയി തീപിടിക്കും.
മോഡിഫിക്കേഷന് ചെയ്യുമ്പോഴാണ് ക്വാളിറ്റി ഇല്ലാത്ത സാധനങ്ങള് വണ്ടികളില് വച്ചു പിടിപ്പിക്കുന്നത്. അതു ഷോര്ട്ട് സര്ക്യൂട്ടിനു കാരണമാവുകയും തീപിടിക്കുകയും ചെയ്യും.
- ദി റിയല് വോയേജര് (യൂ ട്യൂബര്)
Deepika
E-paper LOGIN
LOGIN